توقعات الفلك و الأبراج اليوم الاثنين 6 أب

#الحمل ♈

يوم منيح تطورات حلوة وحركة واتصالات ..
يوم حلو للدراسة والسفر والمشاوير انتبه عالطرقات من الحوادث واستغل الحظ يلي بيدعمك وادفع بمصالحك .. فرص حلوة بتجيك بمجال الاتصالات والانترنت عندك القدرة تغير بس انتبه لموبايلك ..
عاطفيا .. لقاء حلو اليوم بانتظارك وحديث شيق اذا مرتبط واذا لا انتظر هالشي ..
■النسبة المئوية :
●مهنيا : %77 ●ماليا : %74 ●عاطفيا : %80 ●صحيا : %82

#الثور ♉

يوم لتحصل على مال وتعيد حساباتك ..
يوم للشغل والمال لكن انتبه لمصروفك ومن التحايل واستغل اليوم لتكسب مصاري اذا بدك .. ناقش مشاريعك بهدوء لتصل لهدفك وحاول تكون أسرع بشغلك وعادي اذا حدا ساعدك ولاتتردد بطلب هالشي ..
عاطفيا .. انت محتار بالعلاقة حاول تحدد موقفك وتبحث عن ثوابت واستقرار ..
■النسبة المئوية :
●مهنيا : %69 ●ماليا : %80 ●عاطفيا : %74 ●صحيا : %71

#الجوزاء ♊

تطورات ايجابية تحسن وانفراج ..
عم ترجع أفضل وتحسن عندك بعد ايام صعبة اليوم قادر توصل وتسمع اخبار حلوة وأحداث بتغير وضعك للأفضل .. والامور رح تكون منيحة تفائل وبادر لان الحظ عم يكون جيد وعم تكون قادر تحل مشاكلك ..
عاطفيا .. خبر حلو ولقاء مميز وتحسن بالمعنويات اليوم فلا تخاف وكون واثق من حبك ..
■النسبة المئوية :
●مهنيا : %91 ●ماليا : %83 ●عاطفيا : %88 ●صحيا : %84

#السرطان ♋

يوم بدو صبر ولاتتسرع بشي ..
اهدى لأن انت ابدا مو مرتاح فوضى وتأجيل هي حالتك اليوم لاتخاف رح تمر بس انتبه من الخسائر و حافظ على الامل واصبر انتبهلي لصحتك وارتاح كمان وكون بعيد عن التشاؤم ومرقلي اليوم ..
عاطفيا ..ممكن خيبة امل جديدة عم تمر فيها وقلق من القادم لاتحكم بسرعة وانتظر بس هالفترة ..
■النسبة المئوية :
●مهنيا : %57 ●ماليا : %59 ●عاطفيا : %65 ●صحيا : %60

#الأسد ♌

تطورات حلوة وخاصة بالعلاقات ..
بتكون مميز بطلتك وعم تذدهر اليوم حياتك الاجتماعية اطلع ولاتضل لوحدك شوف رفقاتك وقضي اوقات حلوة .. بدي منك تتفاعل مع الناس ورح تحصل على يوم حلو اجتماعيا لكن لاتتصرف بتسرع ..
عاطفيا .. فرصة لتكون مع الحبيب اليوم وتجاوز المشاكل يلي عم تخرب العلاقة ..
■النسبة المئوية :
●مهنيا : %76 ●ماليا : %75 ●عاطفيا : %80 ●صحيا : %74

#العذراء ♍

الامور المهنية بدها انتباه وبكرا يوم دقيق الك ..
يوم مهم فيه أمل بالرغم من الضغط يلي انت فيه اثبت حالك بالشغل واستغل الفرص وحاول ماتهمل شي ..بدي منك ماتقلق وخليك دبلماسي واحتمال تتعرض لنقد انتبه وخاصة مع المسؤولين عنك . .
عاطفيا .. كون بعيد عن القرارات الحاسمة بعلاقتك ولاتعطي كل ثقتك اذا ماكنت واثق من حبك .
■النسبة المئوية :
●مهنيا : %74 ●ماليا : %72 ●عاطفيا : %69 ●صحيا : %65

#الميزان ♎

يومك حلو وفي فرص سفر ومعارف جديدة ..
أخبار حلوة وتحسن كبير ويوم منيح يمكن تطلع مشوار او تشوف حدا غالي على قلبك بهاليوم .. ممكن تكتر اللقاءات عندك وتلاقي الكل معك وفرصة للتعامل مع ناس غرباء وسفر واتصالات وعندك الحظ ..
عاطفيا .. من الأيام الداعمة ويلي بتلاقي حالك فيها عم ترجع شي من الرومنسية مع الشريك ..
■النسبة المئوية :
●مهنيا : %87 ●ماليا : %82 ●عاطفيا : %85 ●صحيا : %80

#العقرب ♏

يوم افضل وفي فرص مالية عندك ..
عندك اليوم قصة مالية وانتبه لصحة حدا بيقربك و هدي الأجواء و حسن علاقاتك قدر الامكان بعد ايام كانت صعبة .. كمان دير بالك على مصروفك وبتحل امور قضائية او تصالح او حتى تشفى من مرض ..
عاطفيا .. المشاكل ماعم تخلص بينك وبين الحبيب حاول تحلها بهاليوم وقرب وجهات النظر
■النسبة المئوية :
●مهنيا : %69 ●ماليا : %79 ●عاطفيا : %70 ●صحيا : %75

#القوس ♐

منفعل كتير وضايج من اقل شي انتبه وهدي ..
توتر كبير وللاسف عم تحس بالظلم وتعبان يمكن اليوم لاتحاول تنفعل واهدى لأن توترك ممكن يسببلك المواجهات مع محيطك .. ابتعد عن الأجواء المشحونة قدر الامكان لأن بتحس الكل ضدك وخاصة بعلاقاتك..
عاطفيا .. لاتكون عصبي زيادة وخليك قوي العلاقة بدها اخد وعطى ومو مرتاح و عم تنفعل من أقل كلمة
■النسبة المئوية :
●مهنيا : %61 ●ماليا : %58 ●عاطفيا : %64 ●صحيا : %69

#الجدي ♑

عندك كتير شغل وقصص صحية بتتعبك ..
شغل كتير وتعب لاتخليه يتراكم واستعمل قدراتك واستعين بحدا ودير بالك على صحتك اليوم .. وخليك منظم متل ما منعرفك حتى لو مشغول كتير بس انت قدها اذا بكرت لشغلك وتصرفت بتنظيم ..
عاطفيا .. طريقتك وانتقادك هالايام عم تزيد العلاقة توتر وسوء حاول تساير شوي لتنحل ..
■النسبة المئوية :
●مهنيا : %61 ●ماليا : %59 ●عاطفيا : %64 ●صحيا : %57

#الدلو ♒

يوم مميز وفرصة لخطبة او لشغل ..
عندك يوم ايجابي في نجاح لإلك في اخبار حلوة وانت نشيط وقادر على اتمام امورك بافضل حال .. حاول ماتتسرع وخود وقتك لتحصل على افضل النتائج يلي بدك ياها واستغل الفرص المتاحة…
عاطفيا .. حب ورومنسية عم يعطوك اوقات كتير حلوة انت بحاجتها لتعزز علاقتك ..
■النسبة المئوية :
●مهنيا : %86 ●ماليا : %82 ●عاطفيا : %89 ●صحيا : %80

#الحوت ♓

عم يشغلك موضوع بالبيت وحال اهلك تاعبك ..
امور ومسؤوليات العيلة تاعبتك حاول لاتستفز افراد عيلتك وحافظ على هدوئك وانتبه من التعصيب ..كمان دير بالك على اهلك وعلى صحتك وممكن احد افراد عيلتك بحاجة لمساعدة خليك متعاون ..
عاطفيا .. أنت لازم تخفف من انفعالاتك قدام الحبيب عم ينزعج من هالشي و انتظر تحسن عاطفي .
■النسبة المئوية :
●مهنيا : %61 ●ماليا : %59 ●عاطفيا : %64 ●صحيا : %56

وسوم :
مواضيع متعلقة