حلّت الفنانة جميلة عوض ضيفةً على برنامج “صاحبة السعادة” الذي تقدّمه الإعلامية إسعاد يونس على قناة dmc، حيث كشفت تفاصيل جديدة عن زواجها وحفل زفافها، وتحدّثت عن حياتها الشخصية وآخر أعمالها الفنية.
وقالت جميلة: “بسبب كلام الناس السلبي عن الزواج الموضوع مكنش في دماغي خالص وفضلت أنا وأحمد أصدقاء لمدة سنة، وأول مرة قالي بحبك كان وقت كورونا، وكان هيعتذر عن شغله في MARVEL عشاني وتامر حبيب لما عرف بدأ يهزّر في الموضوع وكنت خايفة من كلامه مع الناس وقولتله مبحبش الهزار ده”.
وكشفت جميلة عوض عن سرّ اختيار عمرو يوسف ليكون شاهداً على عقد قرانها بالقول: “أحمد كان شاهد في كتب كتاب عمرو يوسف، وهما أصدقاء جداً من 20 سنة مثلاً، وكان طبيعي عمرو يشهد على العقد”.
كما كشفت كواليس التحضيرات التي أشرف عليها عمّها، المخرج عاطف عوض، والتي تجسّدت في العديد من الرقصات في حفل الزفاف، وخاصة الرقصة التي أدّتها معه.
وقالت جميلة عوض عن التحضير للرقصات: “كان لازم البروفات تبقى بالطرحة والكعب وديل الفستان، وأنا أول مرة أشوف الفستان وأقيسه كانت قبل الفرح بستة أيام، وقلت لعاطف لازم نرقص رقصة مع بعض، وكل يوم يقول لازم نتمرن لكن أنا مسحولة في مشاوير تانية”. وأضافت: “من ساعة ما طلبت منه نرقص مع بعض في الفرح وهو كان متوتر ومش بينام”.
كما شارك أحمد حافظ في مداخلة هاتفية إذ قال: “بعد أول يوم جواز لقيت جميلة عوض بتعيّط من غير ما أعلمها حاجة، ولما سألتها مالك؟ قالتلي: “أنا مكنتش عايزة جواز ولا قرف والغريبة إن مامتها كانت سهرانة معانا في أول يوم وطلبنا دليفري”.
وأضاف: “راندا كانت واحشاها جداً، وأول يوم اتعشّت معانا وطلبنا أكل من برا ملوخية ورز… راندا دخلت هي اللي تغسل الأطباق وقالت لجميلة تعالي معايا، ومعرفش إيه اللي حصل بينهم وأول ما راندا مشيت لقيت جميلة قاعدة لوحدها بتعيط والنور مطفي”.
واختتم أحمد حافظ المداخلة بالقول: “سألتها مالك يا روحي؟ قالت أنا مش عايزة جواز ولا عايزة أشيل حاجات من الحوض ولا أغسل أطباق، بس بصراحة تاني يوم عملتلي سندوتش جبنة رومي، واليوم اللي بعده عملتلي بيض”.