أوردت صحيفة “الأخبار” أنّه: “وقعت مشادّة بين الزميلة في قناة الجديد راشيل كرم، وقاضية في مطار بيروت. وعلمت “الأخبار” أنّ كرم اعترضت على توسّط عناصر الأمن لتسهيل مرور القاضية، فيما باقي المواطنين يقفون في صفّ طويل، فأجابها الضابط بأنّ جواز سفرها ديبلوماسي، إلا أنّ كرم أصرّت على أنّ ذلك لا يخوِّلها التجاوز. عندها، ردّت السيدة بأنّها زوجة أحد النواب، لكنّ كرم أجابتها ولو كنت زوجة رئيس الجمهورية لا يحقّ لك المرور بالطريقة. فأضافت السيدة أنّها قاضية أيضاً، فأجابتها كرم: “إنّك تقبضين راتبك منّا نحن المواطنين، وعليك احترامنا”، فتدخّل رجال الأمن العام للتهدئة، لكن المشادة استمرّت. عندها أُدخلت القاضية إلى أحد المكاتب، وطُلب من راشيل المغادرة، فدخلت لتسلّم على القاضية مودّعة: “بالنهاية مرقت قبلك”.
وكانت راشيل نشرت على حسابها على الفيس بوك بعد ماحدث قائلة
كنت مشغولة شوي هاليومين بس بما انو انتشرت الخبرية ضروري خبركم شو صار معي نهار الخميس ساعة ٣ بعد الضهر انا ومسافرة من مطار بيروت: كان في تدقيق قوي من قبل اول حاجز للامن العام وين بشوف الباسبور والتيكيت ( مش التتكيس) والعالم واااقفة من الجهتين على الميلتين واكيد التنكوة ماشي وتحدييييدا انو اوك تمام فيي شي تعمم وعم بدققو ويعطيهم العافية بس انو في ٤ مقاعد بس ما في غير موظفين اثنانص امن عام (مع العلم رجعو زادوهم من بعد ووووقت) المهم بلا طول سيرة كان في كم “مواطن” يقرر “يقوطب” ضغري العالم تصرخ عليه يستحي عدمّو ويرجع يوقف بالصف اااالا ان بسمع شاب بلباس مدني بس يتخايل عنصر بالامن العام عم بقول لسيدة وامها الارجح ” يلا يلا تفضلوا” وبيخرق الصف الطووويل ومن كل عقلو بدن يقوطب!! طبعاً وقفت انا وقلتلو ” كيف يعني يلا يلا بدك تقطعهم شو نحن ليش بدنا ننطر ساعة بالصف وحضرتكم بدكن هيك تقطعوا!؟؟” بجاوبني وبقللي ” باسبور ديبلوماسي يا ست راشيل!” قلتلو انشالله مرتو لرئيس الجمهورية(مع علمي ما بتعملها واقله بنات الرئيس عن تجربة ما بيعملوها) لي العالم ناطرا وطالع دينها وانا طيارتي بعد ٤٥دقيقة وما سمحت لحالي لا اوطب ولا بسمح تلفن لحدا يقطعني + الباسبور الديبلوماسي جوووووا على تختيم الجوازات عندن خط خاص هون الكل متل بعضنا تفضلوا وقفوا بالصف متلكم متل الكل!!” قصرّ هوي انو لا بدنا نقطع قلتلو تمام! عيطت لاختي كالين وقلتلا يلا اذا “السيدة” وامها بدن يقطعوهم نحن بدنا نقطع معن وطلبت من العالم تقرب معنا، ياااااا الفوضى والمحسوبيات يا منوقف بالدور كلنا! وصل الاستاذ يلي عم بقطع هالسيدتين عند عنصر امن العام وحطللو الباسبور الاثنين قدامو، قلتلو “وطن هول عم بقوطبو وما بحقلنا يااااا كلنا منقطع يا مش شغل هيدا!! عنصر امن العام يلي كتييييير محترم وقبضاي ويا ريت بعرف اسمو بيرفض وقللو حتتتتى لو باسبور ديبلوماسي بدكن توقفو بالدور وتنطرو انا ما بمرقكم! وقاحة الاستاذ وفكرو انو هوي مسموح يعمل اللللي بدو اخد الباسبوات وقللو اوك وضل مكمل طريقو على التتكيس طبعا من بعد ما جرب يدفشني وما خليني الحقو.. كمان مرة قلتلا وسط الهمروجة لاختي كالين لحقيني اجري عاجرو!!! وصل عند الظابط يلي بالغرفة عجنب هوي وممتتتتعضضضضض وفتت انا ورا… التعصيب على الاثنين اكيد وعم يشكيني عند الظابط من كككككل عقلو وانا مصرة على قلة اخلاق الاستاذ والسيدتين وانو نحن النا سااااعة ناطرين مش تحضرتن يقطعوا هيكو..و..و.. وعنصر امن العام المحترم ترك كرستو واجا عند الظابط واشتكاهم انو قطعوا بلا ما يشفلن باسبورن واذذذذذ بقلو الاستاذ للظابط ” سيدنا المدام مرتو للنائب ايوب حميد وقاضية كمان والباسبور ديبلوماسي!!!!” برمت لعندها وقلتها ما يلي: ” انشالله تكوني مرتو لرئيس الجمهورية!مييين ما كنتي تكوني واذا بدك تحكي بهالمنطق انك مرتو للنائب حميد لكانا انا راشيل كرم من قناة الجديد واذا يلي صار بدو يقطع هيك رح اعمل اكبر فضيحة واذاااا فكرك انك قاضية بحقلك تقطعي عن العالم اعرفي منيح ولازم انتي تكون حريصة على تطبيق القانون مدام وتكوني تححححت القانون ولمعلوماتك كمانا انا وغيري نحن يلي مندفعلك معاشك كقاضية فعيب!!! اكيد صار في شي ١٠ اشخاص حولينا من امن عام ودرك وهمروجة وما همروجة … المهم قعدّوا مرتو للنائب ايوب حميد حضرة القاضية وامها بالغرفة وانا وقفت برا مع العناصر… والاهم انو اخدت باسبوري ورجعت قطعت قبلها وفليت وودعتها تتشوف انو قطعت قبلها وهي بعدها بالغرفة انشالله تكون هي وغيرها يفهموا شو يعني احترام الذات والعالم والذوق والقااااانون وانشالله موضة عناصر الامن العام او اي جهاز اخر انو يقطعوا عالم توقف وانشالله يااا رب يصير شي نضطر نسحب الكاميرات بالمطار تنشوف “احترام مرتو للنائب” بتصرفها وكيييف بتقبل تقوطب عن العالم وانشالله عنصر الامن العام المحترم يتقدّر وانشالله تصير معي بعد مرة هالقصة لان فعلا صدق مين قال ” صاحب الحق سلطان” ملاحظة: الفنانة نجوى كرم كانت بالمطار وقد منها محترمة وقفت بالصف متلها متل الكل مع العلم كلنا منعرف انو فيها تتصل بحدا ويقطعها… بنت الكرم هيدي😎
(الأخبار)
