رانيا يوسف: بحب ألبس مايوهات وأصحابي بيحقدوا عليا

حلت الفنانة رانيا يوسف ضيفة على حلقة من برنامج “في البوكس” المذاع عبر قناة Gossips بموقع يوتيوب، وكشفت من خلال إجاباتها على مجموعة متنوعة من الأسئلة جوانب من شخصيتها وحياتها أبرزها أوضحت رانيا يوسف أنها سريعة البكاء قائلة : “أنا لما أضحك بعيط ودموعي سريعة جدا، لما حد قريب مني تحصل له حاجة وحشة
– أقصى عقاب مني لبناتي إني مكلمهمش نص يوم ومردش على التليفون، ولو رديت أعمل لهم وشوش زعلانة ؛علمت بناتي ميكذبوش أبدا، ويركزوا في مستقبلهم، وميتجوزوش قبل سن 30 سنة عشان ميشيلوش مسؤوليات بدري ومبحبش التليفون وبستخدم الموبايل عشان أطمن على بناتي وأبويا وأمي وعشان شغلي

طلعوا عليا لقب “باربي” في المدرسة عشان كنت رياضية ومقاييس جسمي متناسقة، وكنت بطلع “نمبر وان” في مسابقات الجمال وضربت شعري أصفر في الجامعة مش في المدرسة؛ بحب لقب صاروخ السينما
لحد دلقوتي صحابي كلهم متجوزين وطبيعي يحقدوا عليا عشان مش متجوزة وممكن عشان مشهورة، وساعات بقول آراء صحابي يخافوا يقولوها، وعشان أجرأ منهم في اللبس ؛ مقرفتش من الرجالة، لكن على رأي مدام فيفي عبده I don’t have time حاجة محدش يعرفها عن أسماء أبو اليزيد؟ عندها هاجس لازم تتخس، مع إن مواصفات جسمها هايلة ممكن أسمع الانتقاد لو بأسلوب لطيف وهادي.

بحب اللون الأحمر عشان أنا أهلاوية وبحب ألبس مايوهات وشورتات ولبس خفيف، ومبحبش آكل كتير، والشتا عكس كل ده فيروز بتفكرني بالشتا، وأكتر وزن وصلتله 69 كيلو وبحب الأكل البيتي جدا، محشي وفراخ وملوخية وبحب أسبانيا جدا، بلد قريبة وبياكلوا أكل “سبايسي” ودمهم خفيف، وفيهم روح عربية، مفكوكين وشعب مش أوروبي قوي، ولغتهم حلوة ومليش في الأرقام خالص، أنا حمارة في الأرقام

– إتعلمت من فترة مخدش رد فعل سريع في أي مشكلة، ممكن أعمل رد فعل بعد 6 شهور وأتمنى ربنا يديني الصحة مع العمر. الصحة والعمر والستر والرزق، الأربعة مع بعض والنبي يا رب.

يذكر أن رانيا يوسف تستكمل تصوير مشاهدها في مسلسل “المماليك” داخل مدينة الإنتاج الإعلامي، وذلك بعد عودتها من رحلتها بإسبانيا المقرر عرضه خلال الفترة المقبلة عبر شاشة قناة النهار، ويشارك في بطولته كوكبة من النجوم بجانب رانيا يوسف منهم محمد لطفي وبيومي فؤاد وعائشة عثمان و رامي وحيد ومحمد سليمان وفيدرا ودوللي شاهين وعمر حسن يوسف، تأليف هشام هلال، وإنتاج إيهاب منير، وإخراج حازم فودة.

الجميلة

وسوم :
مواضيع متعلقة