بعد ظهورها بوجه مشوّه بسبب التجميل… هذا ما كشفته وفاء سالم عن حالتها

اعترفت الفنانة المصرية وفاء سالم بتشوّه ملامح وجهها نتيجة عملية تجميل فاشلة أدت إلى مضاعفات خطِرة كادت تصيب المخ وقرنية العين بالصديد.

وبعد حديث بطلة فيلم “النمر الأسود” عن معاناتها من مضاعفات جراحة التجميل التي شوّهت ملامح وجهها، خرجت عبر “فيسبوك” لتطمئن الجمهور على حالتها من خلال منشور كتبت فيه: “الحمد لله على كل حاجة بتحصل في حياتنا قبل العملية كنت نفسياً مش مبسوطة، كان عندي محقون خد، وحقن في آثار العملية لسة موجودة ولسة فيه ورم”.

وأضافت: “الجرح كان فوق الحاجب والدكتور فتح وكان فيه صديد واصل للمخ والشبكية والدكتور صوره فيديو وكان عندي خد أكبر من خد، فكنت بضايق أنا مبحبش أكون مش أنا، مش معناه إني ضد التجميل، التجميل معمول لخدمة الجمال، يحاول يخلي الإنسان شكله طبيعي”.

وتابعت: “شوفت وجوه بلاستيكية وعمري ما طلبتها، الإحساس بيقل ويخفت لما الإنسان ميبقاش على راحته وأنا عايزة ملامحي زي ما هي زي ما انتوا حبتوني، فيه أعمال قدمتها مكنتش راضية عنها، لأني مكنتش حاسة الإحساس الطبيعي، فبلاقي التعبير ضعيف وناقص”.

وأشارت وفاء سالم إلى أنه “لو ربنا قدّر واشتغلت بالفن تاني، مبدورش أكون صغيرة، أنا في النهاية ماما وابني كبير، مش بخبي عنه حاجة، لما عملت العملية ابني كان معايا خطوة بخطوة لو فيه حاجة غلط مكنش هيوافق، ابني ساعدني أتخطى مرحلة صعبة في حياتي”.

وسوم :
مواضيع متعلقة