بعد اختفائها عن مواقع التواصل الاجتماعي منذ فترة وقلق الجمهور على صحتها، خرجت عارضة الازياء اللبنانية نور عريضة عن صمتها.
وكتبت نور في منشور عبر حسابها على انستغرام قائلة: “لأول مرة بقول اللي بقلبي عن جد. من اكثر الاسئلة و الرسائل اللي وصلت لي بآخر كم شهر بتقول: “وينك نور؟ ما عاد تنشري زي زمان؟ ليه اختفيتي؟ ليه ما منشوفك؟ هالشي رح يأذي شغلك! يمكن الناس ينسوكي! يمكن البراندز ينسوكي!”.
واضافت: “انا من النوع اللي بخبّي مشاعره. ما بحب عبّر و خبّر و اعطي تفاصيل… بس اليوم حسّيت يمكن برتاح اذا بحكي”، مضيفة “هالسنة اللي مرّت كانت الاصعب عليّي..خسرت جدّتي و جدّي بفرق كم شهر.. أنا عايشة مشانهن كنت.. الوحدة بباريس قتلتني”.
وتابعت نور: “لازم كون الزوجة، و الام، و الطباخة، و المدرّسة، و ستّ البيت، و سيّدة الأعمال، بلا اي مساعدة.. انا و جورج وحدنا.. صوّرت بالاشهر الماضية المشروع الاصعب بمسيرتي و هو “صوت الناجيات” و من بعد اشهر واسابيع عم شوف الظلم عن قرب، ما زلت لليوم ما تخطّيت هالمشاعر. و صرت حس كل شي ثاني تافه. و السوشيل ميديا تافهة، مقارنة بهالامور. حتّى جسديًّا تعبت هالسنة وانهار جسمي صحيًّا عدّة مرّات.
المهمّ… هالمرّة حسّيت يمكن اذا بحكي و بفسّر، ممكن ساعد اي شخص حاسس حالو وحيد و تعبان و ناقصه تشجيع”.
