تصدرت الممثلة السورية منى واصف الترند بمشهد مؤثر ضمن مسلسل “ما اختلفنا”، الذي يعرض في شهر رمضان المبارك.
تجلس منى واصف في المشهد الى جانب زوجها، الذي يجسد دوره الممثل جرجس جبارة، على طاولة الطعام واتصلت بأولادها من خلال ثلاثة هواتف، ووضعت كل هاتف على كرسي، لتشعر بوجودهم معها، ومن دون سابق إنذار، تنطفئ الكهرباء، فتبكي منى في المشهد بحرقة على فقدان الاتصال بأبنائها، وتقول: “مشتهية بوسهم، شمهم، ضمهم، لك مشتهية ألمسهم بس لمس، مشتهية كل هالموبايلات يختفوا وشوف ولادي حولي هن وأحفادي عم يسرحوا، عم يغنوا، عن يمرحوا، عم يتخانقوا، بس يدفى بيتنا”.
وأضافت: “لأنه الغربة من جوا بتبرّد يا أبو طارق، يلعن أبوها، لك يلعن أبو الغربة مين بحبها؟ تعبنا يا ربي تعبنا..تعبنا كتير”.
بعيدا عن مستوى العمل .. هون يكمن الابداع المختلف والمتفرد ، مين غير الست #منى_واصف قادر يوصل احاسيس الام السورية الملوعة ع فراق اولادها بهالقد واقعية ؟
كتير حب و مشاعر ملخبطة بس كلا ايجابية لهالست العظيمة 🩶
والله يرد كل متغرب لعيلتو ويلم شمل الجميع يارب
pic.twitter.com/PdFqeqI82f— Mahmoud 🦦 (@Mahmoud__t_r2) March 16, 2024